তৰুণ অসম সংঘ তেজপুৰ চহৰৰ এক অগ্ৰণী সামাজিক অনুষ্ঠান ৷ কুৰি শতিকাৰ আগডোখৰত তেজপুৰ চহৰত যিকেইটা সামাজিক , সাংস্কৃতিক আৰু ধৰ্মীয় অনুষ্ঠানে সমাজত বৌদ্ধিক চেতনা জাগৰণৰ সূচনা কৰিছিল , সেইবোৰৰ মাজত বাণ থিয়েটাৰ (১৯০৬) , অসমীয়া ক্লাব (১৯১৫) , কামৰূপীয় সনাতন ধৰ্মমণ্ডলী (১৯১৫)আৰু তৰুণ অসম সংঘ (১৯৩০) অন্যতম ৷ সেই কালৰ নেতৃস্থানীয় ব্যক্তিসকলৰ দূৰদৰ্শিতাৰ ফলস্বৰূপে এই অনুষ্ঠানসমূহে গঢ় লৈ উঠিছিল আৰু আজিও সেইবোৰে গৌৰৱোজ্জ্বল তেজপুৰৰ সামাজিক আৰু সাংস্কৃতিক ইতিহাসৰ স্বাক্ষৰ বহন কৰি আছে ৷

সংঘৰ প্ৰতীক

দেশৰ আৰু জাতিৰ উন্নতি আৰু প্ৰগতিৰ হকে, শান্তি আৰু সম্প্ৰীতিৰ অৰ্থে ৷ দ্বেষ-বিদ্বেষ আৰু দুৰ্নীতি- ভ্ৰষ্টাচাৰৰ বিৰুদ্ধে যুঁজ দিবলৈ আকাশ পাতাল ধ্বনিত নিনাদিত কৰি ওলাই অহা এটা পাহোৱাল অসমীয়া তৰুণৰ সমদল আৰু তাৰেই মূৰ্ত প্ৰকাশ ৷

উদ্দেশ্য আৰু লক্ষ্য

(১) সামুহিক প্ৰচেষ্টাযোগে বন্ধুত্ব, ভ্ৰাতৃত্ব আৰু ঐক্যৰ আদৰ্শ গঠন।
(২) মানবীয় গুণবোৰৰ বিকাশ সাধনাৰ্থে উপযুক্ত পৰিৱেশৰ সৃষ্টিকৰণ।
(৩) অসমীয়া কলা-কৃষ্টিৰ উন্নতি সাধন।
(৪) খেল-ধেমালিৰ জৰিয়তে শাৰীৰিক আৰু মানসিক উন্নতি।
(৫) যুৱক-যুৱতীৰ মাজত অৰ্থনৈতিক সচেতনতা বৃদ্ধি।
(৬) কোনো ৰাজনৈতিক মতবাদৰ লগত জড়িত নাথাকি ৰাষ্ট্ৰীয় উন্নতি সাধন ৷

সংঘৰ পতাকা

মাখন বৰণীয়া, দৈৰ্ঘ্য ৪' ৬" আৰু প্ৰস্থ ৩' । মাজত নীলা ৰঙৰ প্ৰতীক।

প্ৰতিষ্ঠা দিৱস

প্ৰতি বছৰে ২২ মে’ তাৰিখে সংঘৰ প্ৰতিষ্ঠা দিৱস পালন কৰা হয় ৷

কাৰ্য্যনিৰ্বাহক সমিতি (প্ৰধান)

(১) মুখ্য উপদেষ্টা
(২) দুজন উপদেষ্টা
(৩) সভাপতি
(৪) দুজন উপ সভাপতি
(৫) সাধাৰণ সম্পাদক
(৬) দুজন যুটীয়া সম্পাদক
(৭) খেল সম্পাদক
(৮) কৃষ্টি সম্পাদক
(৯) ক্লাব সম্পাদক
(১০) সমাজ সেৱা সম্পাদক
(১১) পুথি ভঁৰাল সম্পাদক
(১২) কোষাধ্যক্ষ
(১৩) ১১ জন সাধাৰণ সদস্য।

সংঘৰ প্ৰাৰম্ভিক প্ৰতিষ্ঠাপক সদস্যসকল

সংঘৰ জন্মলগ্নৰ পৰা যিসকল তৰুণ জড়িত হৈ আছিল সেই প্ৰতিষ্ঠাপক সদস্যসকলৰ ভিতৰত বাইসিং দাস , কিৰণ দাস , প্ৰমোদ দাস , চালেহ আহমেদ , যামিনী দাস , প্ৰবোধ দাস , বিদ্যা তেৱাৰী , দেৱ বৰুৱা , পূৰ্ণনাৰায়ণ সিংহ , দুৰ্গেশ্বৰ গোস্বামী , অজয় মেচ , বৈদ্যনাথ ত্ৰিপাঠী , জনসিং দাস , দ্বিজেন চলিহা , ভদ্ৰসিং দাস , নগেন বৰুৱা , জব্বৰ , বাখৰ আলী , দীপ্তি আগৰৱালা , হৰকুমাৰ শইকীয়া , কৃষ্ণ দাস , ফণী দাস , নগেন ভট্টাচাৰ্য্য , কাৰ্তিক প্ৰসাদ তেৱাৰী , খান চাহেব আদিৰ নাম উল্লেখযোগ্য ৷

এলেকা

তেজপুৰ বিধান সভা সমষ্টি
পঞ্জীয়ন - অসম চৰকাৰৰ পঞ্জীয়নভুক্ত ৷
পঞ্জীয়ন নং - ৩২৯/১৯৭৮-৭৯ ৷
২০১৪ চনত পঞ্জীয়ন নবীকৰণৰ পাছত একেই নম্বৰ আছে ৷